നീയൊരു സത്യം പറഞ്ഞു
അത് നുണയായിരുന്നെന്കിലെനു
ഞാനാശിച്ചു
ആയിരത്തൊന്നാമത്തെ സത്യം
നുണയെന്ന് തിയറിയെഴുതി
ആധുനിക ഗീബല്സായി
നിന്നെ നുണകളുടെ ചക്രവര്ത്തിയായി
ഞാനവരോധിച്ചു
നിന്റെ നോക്കും വാക്കും
ഓരോ ചലനവും
എന്റെ നിഘണ്ടുവിലെ
'നുണ'യ്ക്ക് പര്യായമായി
ഒരുദയത്തില് വെളിപാടുണ്ടായി
നിന്റെ സത്യത്തെ തിരിച്ചു വേണം!
പക്ഷെ
അപ്പോഴേക്കും നീ
നേരും നുണയുമില്ലാത്ത
ഒരു രാജ്യമുണ്ടാക്കിയിരുന്നു
അവിടെ എനിക്ക് പ്രവേശനമുണ്ടായിരുന്നില്ല
പ്രിയപ്പെട്ട നുണയാ ...
എനിക്കായി ഒരു സത്യം മാത്രം നീ ബാക്കി വെച്ചു
നീ എന്റെ മാത്രം നഷ്ടമെന്നു...
No comments:
Post a Comment